hosae&    friends    |    Yeah.

Achtung: Berndeutscher Eintrag!

Dä Telefonschärz isch scho lenger bekannt, aber immer wider witzig. E Kolleg hetmi grad widermau uf das Video ufmerksam gmacht und i muess das hie eifach ungereme Bärndütsche-Biitrag verblogge.

Dr Müslüm suecht Arbeit und mäudetsech bir Kantonspolizei Bärn für Informatione fürd Polizeischuel zübercho.

Heschdr oscho mau eifach säubr wüescht gseit udr es Schimpfwort nachegschosse?

Auso ig scho, grad vori.

Wotti doch is Bett gah, vergisse mis Nachttischlämpli azlah, loufe zrüg zum Liechschauter, schaute zLiecht us u stah im Dunklä.

“Blödächeib” rutschtmr use u i tscheggä ersch paar Sekundä speter dasi mir jetz grad säubr ha Wüescht gseit.

“Depp!”

Achtung: Dieser Beitrag enthält Berndeutsche Sprache und ist deshalb nicht für jeden lesbar! Ich bitte um Verständnis.

Jajaa.. Dä blöd Plütter isch widr da… Eigentlech ischs zwar no schöne Schnee abr das wirdsech im Verlouf vom Tag de scho änderä. ZBiud isch vo letscht Wuche u het scho lang ufe Isatz ime Biitrag gwartet… Jetz ischs da und zeigt üs wis hüt übere Tag odr am Abe zirka dörfti usgseh…

Für Winterturnschueh-Träger wi mig, si serigi Trottoir Verhäutnis nid umbedingt aabracht. Si chöme leider aber des öfteren vor wüu dGmeind zGfüehl het dass zruume vo 50% vode Trottoir d’Iwohner glücklech stimmt. Naja.. leider NEIN!

Da isch dr Levä usm Zuuuuug xD Är het gmeint: “Ja mitem iPhone chasch ez sicher o di Blog betribe?” Ig so: “Natürli chani das, schribe grad e Bitrag über di!” xD und da ischer dr Bitrag, sowiä dr Levä:

Berndeutscher Beitrag!

Gmüetlech mis Sandwich verzehrend loufi düre Bahnhof Bärn. Nüt ahnend stigi ufd Routräppä womi ä Äbeni witer ufe sött beförderä. Underwägs nomau ids Sandwich bisse, erkenni es vorsichtigs Tippe uf mire rächtä Schultere. I dräiä mi um u da steit zwöi Routräppätritte witer unde e junge Herr mit paar Zettlä ider Hand. Är schwaflet öppis vo Spital und Gäut.

Di Zettlä chöme mir irgendwie bekannt vor, hani schomau gseh zThun oder so. I luege der Maa a, sägä “Nei, Sorry” und dräiä mi wider um, dasimi mim Sandwich cha widme. Obe a der Routräppä acho und scho fasch furtloufend köri der Typ hinder mir so vorsech häräbrummle: “Rassist!”

I mit no früschem und guetem Ghör verstah di Ussag lut und dütlech und wändemi dem Herr nomau zue. Da sägeni immne Sicherheitsabstand vo 2 Meter nur so: “Das het absolut garnüd mit rassistisch si ztüe!” Da luegtermi miteme bööse Blick aa u fragt lutstarch: “Was man..!? Problem!?”

E chli gfasst vom Ablick vo däm Gsicht gani glich nomau ufne zue, damiter merkt dasi ihn nid wott verbal agriffe! Är strecktmer der Zettu härä wo öppis druffsteit vo wägä:

Habe Familie,

habe keine Arbeit,

habe kein Geld,

[...]

Derzue seiter no so: “L’operation pour bébé!”

I wändä mi ab und loufe witer. Mini Gedanke si klar:

• Das wo du da machsch isch Arbeit! Bechunsch ja Gäut derfür!
• Chönntschti ono chli meh drum tue Arbeit zsuche anstatt hie Lüt azmache!
• I hätt jetz e Grund dire Ussag vo wägä “rassistisch” grächt zwärdä
• Und: Das chunt i Blog!