Achtung: Berndeutscher Beitrag, nicht geeignet für deutschsprachige Leser!
himutondernonemau!
sitzeni gmüetlech im zügli imne vierer-abteil, füre gmüetlech und oni stress dr fiirabe zerreiche. scho fasch haub am ipfüsele wüu dfahrt no 30 minute duuret, gsehni wi no grad so öpper istigt, knapp vorem abfahre. ig wi immr dbei gstreckt (obwouh die nid so läng si) und mini täschä ufem sitz näbädranne.
di damä wo no grad zuegstige isch, steckt ihre chopf i mis abteil ine. haub lut u nid grad fründlech seitsi:
grüeziii, es git no meh lüt wo wänd anesitze!!!!!
i richte mi uf und mache uf de zwöi plätz vis-à-vis vo mir platz, dassi o näbänand chöi hocke. dfrou luegtmi immer no schreeg a und i nime vorsichtshalber mini täschä vom sitzplatz wäg. sie setztsech näbä mig und ihre mah gägäüber.
die zwöi heisechs bequem gmacht und dr zug fahrt los…
30 minute speter naht mini hautsteu. ig stah früeh gnue uf, nime mini täschä undere arm, widmer der schrulle näbä mir e abschetzendä blick zue und sägä schlicht und eifach:
grüüüesäääch, es git no meh lüt wo hie wei usstige!!!!!!
ehja… typisch!
abr gueti reaktion. *g*
Hesch das würjlech gmacht? Wäutklass, hihi.
wäuts. eländi bünzlischwizer mani de gar nid verlide… meine si sige di einzige uf der wäut, u hei verlehrt fründlech z frage… mann…
@chrigu: Wär mi kennt, seit da ganz bestimmt: “Typisch!”
@dworni: Logisch hani das gmacht! Der verdutzt Blick vo ihre wirdi so schnäu o nid vergässä
@danilo: Genau mini Meinig. Drum hani o grad ähnlech konteret woni ha dörfe gah!
hahahhaha…OWNED!
well done!